শিশুৰ বাবে বিনামূলীয়া আৰু বাধ্যতামূলক শিক্ষাৰ অধিকাৰ সকলো শিশুৰ বাবে এক মৌলিক অধিকাৰ। সৰ্বশিক্ষা অভিযানে এই ক্ষেত্ৰত আৰু এখোজ আগবাঢ়ি গৈ এই অধিকাৰ শাৰিৰীকভাৱে বিশেষ সক্ষম সকললৈকো সম্প্ৰসাৰিত কৰিলে। ২০০৯ চনত গৃহীত হোৱা শিক্ষাৰ অধিকাৰ আইনখন অসম চৰকাৰে ২০১০ চনৰ ১ এপ্ৰিলৰ পৰা বলবত্ কৰাৰ পাচত সৰ্বশিক্ষা অভিযানে ৬ বছৰৰ পৰা ১৪ বচৰ বয়স সীমাৰ অন্তৰ্গত শিশুসকলক সৰ্বাত্মক ৰূপত উচ্চ মানৰ প্ৰাথমিক শিক্ষা প্ৰদানৰ বাবে বিভিন্ন পদক্ষেপ গ্ৰহণ কৰে। এই অভিযানে সমাজৰ সকলো শ্ৰেণীৰ সকলো শিশুকে সামৰি লোৱাৰ প্ৰয়াস কৰি আহিছে। ইপিনে, বিশেষভাৱে প্ৰয়োজন থকা শিশুসকলক শিক্ষাদানৰ বাবে বিস্তৃত প্ৰয়াস, ভিন্ন বিকল্প তথা কৌশল এই অভিযানৰ জৰিয়তে গ্ৰহণ কৰিছে।

সৰ্বশিক্ষা অভিযানে অধিক হাৰত ছাত্ৰ-ছাত্ৰীৰ আগমন ছাত্ৰ-ছাত্ৰীৰ নামভৰ্তিৰ হাৰ বৃদ্ধি, নিয়মীয়া উপস্থিতি নিশ্চিতকৰণৰ লগতে শিক্ষাৰ মান উন্নয়নত গুৰুত্ব আৰোপ কৰিছে।

সৰ্বশিক্ষা অভিযানৰ সংহত শিক্ষা (আই.ই. কম্পোনেণ্ট) প্ৰভাগৰ অধীনত ৰূপায়িত বিভিন্ন কাৰ্যসূচীত জন সজাগতা সৃষ্টি, বিদ্যালয়সমূহত শাৰিৰীক আৰু বিদ্যায়তনিক সহযোগিতা আগবঢ়োৱা, ঘৰ সদৃশ পৰিৱেশ সৃষ্টি কৰা, চিকিত্সামূলক শিক্ষণ কাৰ্যক্ৰম ৰূপায়ণ আদিৰ ক্ষেত্ৰত ক্ষেত্ৰ পৰ্যায়ৰ কৰ্মীবৃন্দই এক গুৰুত্বপূৰ্ণ ভূমিকা পালন কৰি আহিছে।

আই.ই কাৰ্য্যকৰ্তাসকলৰ স্টাফটিং আৰ্হি

বিশেষভাৱে সক্ষম শিশুসকলৰ বছৰ ভিত্তিক অন্তৰ্ভূক্তি

সম্পন্ন কৰা কাৰ্যাৱলী